fixar 3

Manu é fotógrafo e vive na zona de Lugo na súa aldea. Vive da fotografía e ten clientes por toda Galicia. Normalmente fai fotografía deportiva (ciclismo, rally, carreiras). Gustaríalle ter un pouco máis de amizade no rural preto da súa aldea.

Laura é deseñadora gráfica, montou o seu pequeno estudo nunha casa alugada na aldea preto de Santiago de Compostela. Estudou en Madrid e decidiu volver a Galicia. Traballa en remoto e gustaríalle atopar un par de clientes máis (se pode ser de fóra).

Rubén quere mudarse de Vigo ao rural e abrir un pequeno taller de coches, xunto coa súa parella e dúas fillas. Xa ten o espazo para montar o taller, pero cústalle un pouco lanzar todo.

Presentámosvos o proxecto Fixar, onde invitamos a persoas como Manu, Laura e Rubén a vivir a experiencia de coliving mentres crean unha rede con outras persoas de Galicia e de todo o mundo.

Estamos creando unha rede que vai axudar a Manu a conectarse con máis de 220 persoas que fan cousas no rural galego.

Laura vai aprender como buscamos clientes por todo o mundo e conectarémola coa nosa rede internacional.

Rubén recibirá o apoio necesario para lanzar o seu taller de coches e axudarémolo para que todos no seu novo pobo e arredores saiban que o novo taller está aberto.

Fixar - proxecto que axudará a fixar poboación no rural a través do coliving, mentoría e innovación.

Fotos: Nemanja Knezevic

Durante a túa estadia en Fixar vas saír un pouco da túa rutina habitual para vivir a vida dunha aldea pequena. Case todos os espazos de Fixar están situados na Galicia profunda, rodeada de natureza salvaxe pero chea de vida. Vas convivir con outros Fixars, pero tamén con algún estranxeiro que está visitando os espazos de coliving. Vas ter tempo para ti, vas poder aprender cousas e compartir as túas ideas con outras persoas. Todo será moi relaxado e sen ningunha presión.

Se estás pensando en mudarte ao rural, vas ver como nós o vivimos. Vas poder aprender como xestionamos ou lanzamos os nosos pequenos produtos ou proxectos. E tamén vas ter mentoría profesional que poida aportarte algunha orientación.

Vimos persoas que por fin remataron de debuxar o seu cómic. Vimos Fixars que lanzaron o seu novo pequeno negocio na aldea. Vimos persoas que decidiron comprarse unha casinha ou ruína. Vimos persoas que se apuntaron a viaxar cos nosos colivings a outros programas internacionais (desde Cerdeña, vía Balcáns ata Noruega). Vimos participantes que se unen para expoñer as súas obras xuntos, que se axudan a atopar casas preto unhas das outras e moitos Fixars que se contrataron entre si; e o máis importante, fixeron amizades que xa duran anos.

Mapeamos algúns os proxectos de Fixar neste mapa único.

Agora converteuse no mapa de proxectos de vida das persoas que viven ou desexarían vivir no rural galego.

Este mapa debe lerse amodo, onde se poden investigar diferentes ideas e conectar coa xente. Actualizámolo regularmente.

Foi elaborado por Admir Veljovic, cartógrafo, investigador e deseñador.

Filmes

Moitos proxectos de Fixars caben en filmes sobre as súas vidas e proxectos. Intentamos filmar algúns deles e documentar as súas vidas. Coas mentorías tentamos axudar a algunhas persoas a elixir o seu rumbo ou as súas estratexias. Por exemplo, axudamos Montse a facer a web e simplificar o proxecto. Con Julia, de Greleria, axudamos a lanzar o seu novo espazo. David fixo un experimento vivindo na aldea antes de comprar a súa casa, mentres construía o seu pequeno negocio de arranxar cousas electrónicas. Outras persoas teñen o soño de comezar o seu proxecto e abrir o seu taller de deseño téxtil e o seu armario de época. Podes ver aquí 8 filmes diferentes.

Que inclúe esta beca:

Estancia de 15 días nun espazo de coworking e coliving o casa creativa. Os custos da comida non están incluídos (entre 10 e 14 euros por día) e todos colaboran na cociña.

No formulario podes escoller estadías nos coliving entre maio e outubro.

Uso de todas as instalacións, incluíndo espazos de coworking, maker spaces e talleres.

Mentorías.

Unha chea de actividades creativas que adoitan realizarse nos colivings.

Xuntanzas (eventos despois da estancia no coliving) e acceso a un grupo en liña con outros Fixars de Galicia para manter activa a rede durante anos.

Apúntate aquí

Serás incluído/a na lista de agarda porque sempre hai cancelacións

Aberto a calquera persoa que estea empadroada en Galicia
Prioridade para aquelas que vivan ou desexen trasladarse á aldea

Apúntate aquí

Ata cubrir as prazas

Becamos a 80 persoas de Galicia que viven no rural ou que queren mudarse ao rural galego

fixar 3

Sobre nós

Ligazóns